.png)
کەسایەتیەکی نزیک لە پارتی کریکارانی کوردستان (PKK) لەسەر ڕووداوی کوشتنی جێگری کونسوڵی تورکیا لە ھەولێر زانیاریی نوێ بۆ شاخ پرێس ئاشکرادەکات .
عەلی کەریمی شرۆڤەکاری سیاسیی و کەسایەتی نزیک لە پەکەکە لە لێدوانێکی تایبەتدا بۆ شاخ پرێس ئاشکرایدەکات "لەپاش ڕووداوەکە لەسەر خەت بووم لەگەڵ بەرپرسانی قەندیل و پرسیارم لێکردوون لەسەر ئەو ڕووداوە" .
کەریمی وتیشی "بەرپرسانی باڵای پەکەکە لە قەندیل تەئکیدیان لەوە کردوەتەوە کە ئەوان دوور و نزیک ھیچ پەیوەندییەکیان بەو ڕوداوەوە نیە و دەستی ئەوانیشی تێدا نیە" .
بەوتەی عەلی کەریمی "بەرپرسانی باڵای پەکەکە وتویانە ھێرشێکی لەوجۆرە بەتایبەت لەمکاتەدا کە تورکیا بەدوای بیانویەکدا دەگەڕێت تا ھێرش بکاتە سەر قەندیل، کارێکی عاقڵانە نیە و ھەرکەس و لایەنێک بەوکارە ھەستابێت ئامانجی دوژمنکارانەی لەپشتە" .
ئەو کەسایەتییە سیاسییە لەسەرچاوەی باڵای ناو پەکەکەوە ئاشکرایکرد "ئەوەی ئەو کارەی ئەنجامداوە کەس و لایەنی سەر بە تورکیا و دۆستەکانی تورکیایە لە ھەرێمی کوردستان" بەبێ ئەوەی ئاماژە بە ھیچ ناوێک لەو دۆستانەی تورکیا بدات !
دەشڵێت "پێویستە پەکەکە کار لەسەر تێگەیاندنی ڕایگشتی کۆمەڵگەی نێودەوڵەتی و ھەرێمی کوردستانیش بکات و بۆیان بسەلمێنێت کە ئەو ڕووداوە دەستی ئەوانی تێدا نەبووە و، دەستی پشت ئەنجامدەرانی ئەو کوشتن و تەقەکردنە ئاشکرا بکات و بەتەنھا بەوەندەی بڵێن (ئێمە نەبووین) بەس نیە !"
https://t.me/nwser_alikarimi/326
.jpg)
هیچ نظری موجود نیست:
ارسال یک نظر